لا الإخوة و لا الذئب.......دخول متأخر إلى الحكاية
كانوا أسبق للحكاية منك
تفادوا هنات ماسبق
و انتظروا قدومك الأحمق
و أنت
تهذى فى جبك و لا تطلع
واقف كحجر عثرة
بين أجنة القادم
و أهلة ما مضى
قابع بوهم إنفرادى
تقص على العميان فيه الرؤى
تدفعك سذاجات الحلم
ككمبارس ينتظر البطولة
تنتهى عنده الأشياء و لا تبتدى
*******
هم الفتية
و أنت آخر عهد المدينة بالفتح و الكتابة
فكانوا أسبق إلى الحكاية منك
غلّقوا الأبواب
قدوا قميصك من قبل
و انتظروا قدومك
أيها المستضئ بذاته
مرسلة بواسطة كائن العزلة الكئيب @ ١٢:٢٨ ص
25 تعليقات
25 تعليقات:
كائن العزلة
ان كان يستضىء بذاته فقد اعطته ضوء خافت يكاد يكون قاتم اللون اسود لا يعينه كدليل بل يشده للبئر العميق فيبقى بعيدا كلما تسلق اخطأ لانه لا يرى ماذا يفعل
لو كان صاحب روح مضيئة حقا لكان هو على متن الحكايا بل قد يكون هو صاحب الحكايا
فاين هو من ضوء نفسه
تحياتى
انت ايها المستضىء بذاتك
معدتش فارقه يسبقوك ولا ييجو بعديك
كله سوواااااء(د
الاسلوب جميل جدا
بس عندي سؤال
من المقصود من هذه القصة؟
أتمني أن يكون أحد الناس وليس أول من يتطرق اليه الذهن عند قراءة العنوان
يا ابن الايه يا سارووووووووخ
ايوة كدا طلع دفاترك طلع
باقولك ايه مش ناوي ترجع الزقازيق بقى
عايزك في مشوار كدا
no comment ):
فكانوا أسبق إلى الحكاية منك
.............
تحسب ليهم جوله
والسكون جوله يحاولون الاستضاءة ببعده وهو يستضئ بذاته جامده جامده يعنى زي راديوا مزاج بالظبط
على رأي اريسطوا
ساروووووووووووووووووووووووخ
لازم الانسان يستضيىء بذاته لكن لازم كمان يفتح عينو كويس و يشوف الضوء والظلام بتاع برة عشان ميدخلش الابواب اللي وراها المتربص و لا يسقط في البئر و يمر عليه الذئب
لازم يشوف عشان يتحرر من القيود اللي بتتحطلو ساعة الظلام
حاسس إني عايز أعيط
(مش هزار)
جامدة اخر حاجه
حلوة الحتة بتاعة الكمبارس
كلها حلوة جدا
مؤلمة
انا حساها مؤلمة
شعرك حلو بس وجودك فى منطفة العزلة يبعث على الإكتئاب
انطلق إلى عوالم أخر من الحياة المبهجة
زرنى
جميل أيها المكتئب
انه الحزن الشفيف
المبهج
تناقض المعانى
والمشاعر
جميل أيها المكتئب
انه الحزن الشفيف
المبهج
تناقض المعانى
والمشاعر
رابطى لكى تزورنى
mjnoon.blogspot.com
تدفعك سذاجات الحلم
ككمبارس ينتظر البطولة
تنتهى عنده الأشياء و لا تبتدى
جميل هذا الجزء
فقد شعرت بما تقول و كنت كتبت سطورى فى مدونة اسميتها "عندما بكت بهية"
توتا:
جميل مرورك تانى (أعتقد أنها الثانية ) هو مستضئ بذاته و انا أستضئ بتعليقات جميلة كهذا التعليق
شكرا
كرانيش :
ربما الإثنان سواء لكن من يسبق إلى الحكاية يفرض شروطه مسبقا هكذا تدخلين إلى اللعبة و لم يبقى إلا الخطوة الأخيرة هكذا ببساطة يطالبوك فقط بخطوة واحدة نحو نهايتك
أى حد :
أكيد مقصود هنا أن تستحضر حكاية ذلك الذى خشيت أو تراجعت عن ذكر اسمه مع أن الأمر بتلك البساطة هنالك إتكاء واضح على قصة سيدنا يوسف حسب السرد القرآنى للقصة
آطمئنك لا أعتقد أنه نبى هو يدوب بيسعى عشان يكون بشر حسب تعبير عمنا عمر نجم
أرسطو :
شكرا يا جميل ولله ياريت كان ينفع مينفعاش أخلصلك المصلحة من هنا ؟
esraa:
no replay
غادة :
شكرا بس يعنى ايه زى راديوا مزاج
بجد ياريت توضيح و لا أنا قرأتها غلط
ندى:
متفق معك لكن أن تفتح عينيك فى نص بهذه الحالة معناه أن ترى المكائد و الحبائل تنصب فى كل مكان حولك صدقينى ألا يرى غير ذاته أريح
شبابيك :
يا ريت تكون جبت معاك مناديل علشان مش عايزين المدونة تغرق
أحمد:
آخر حاجة دى بتفكرنى بواحد عزيز على
شكرا
الوردة السودة :
أشكرك على مدوامة على الحضور هذا يشرفنى بالتأكيد
و أرجو ألا أسبب لكى الآلم فعلا
أبو أمل :
أشكرك على النصيحة و أعدك بالزيارة
شرفت
جمال الدولى :
الدولى !!! أنت من العريش يا خال
عموما شكرا على كلامك و اعدك بالزيارة
وردة الصحراء :
جميل أنه بدا جميل لكى
و لا أفهم ماذا تقصدين بأنك قد كتبت سطورك فى مدونة أسمها عندما بكت بهية
لكنى متشوق لقراءتها
أشكرك
جميلة اوى
ده راديوا بسمعه على النت بس اقولك حاجه احلى من راديوا مزاج
اذاعة البرنامج الموسيقى بفضل مشغلها ومبزهقش منها اهو كلامك برده ممكن افضل اقراه او اسمعه منك ومزهقش
يعنى حاجه حلوة زى البسبوسه كده
ya farfoshhhhhhhh
ya mobheg ya mosly
elsh3r ra23 bas elfekra akt2ab ta7n
astmr
ta7iaty
أنا أحسدك
أنا أحسدك
أنا
أ
ح
س
د
ك
وهكذا يطبق قانون العزله
ليس هناك بشرى يستطيع الإستضاءه بذاته دائما وينقطع عمن حوله فنوره لا يكفى لذلك
فعليه حسن الإختيار
ومافيش حاجه بتيجى بالساهل
بس أحلى جملتين فعلا
ككمبارس ينتظر البطوله تنتهى عنده الأشياء ولاتبتدى
وتحياتى
مش اول مرة ادخل بس اول مرة اعلق يابرنس
انا دايما كنت بقول انك من اسباب فيولي بحاجة اسمها قصيدة نثر انت والماغوط لان عبد االمعطي حجازي بيقول ان سبب فبوله قصيدة النثر الماغوط بس .....بس هو ميعرفكشبش انا هنا هكون صريح شويه واقول ان فعلا رغم احساسنا كلتل معاك بتيمة العزله والانفراديه الي اخره .....لكن في نصوص ليك اعلي فعلا وكنت اتمني ابدا تعليق عندك بحاجه منهم بس اعمل ايه بقي
مش هتكلم عن نصوص قبل كده والا هبقي بظلم النص بس هنا فعلا احنا معاك ف حالتك من بداية النصوخصوصا بالنسبه لي ف نهاية المقطع الاول
قفلا تك للمقاطع كانت ف منتهي الروعه وخصوصا ايها المستضئ بذاته بس انت سبقتني بقي ليه يعم الكائن انا قريب جد منزل بوست وهتكون لعبه قريبه من لعبتك
بس انا عايز اسال اذا كان لفظ العثرة صح ....لان انا شايف ان الحجر مذكر
مش هتسمع كلام ارسطو وتنزل ياعمنا بقي لاحسن الدنيا خربت
مش اول مرة ادخل بس اول مرة اعلق يابرنس
انا دايما كنت بقول انك من اسباب فيولي بحاجة اسمها قصيدة نثر انت والماغوط لان عبد االمعطي حجازي بيقول ان سبب فبوله قصيدة النثر الماغوط بس .....بس هو ميعرفكشبش انا هنا هكون صريح شويه واقول ان فعلا رغم احساسنا كلتل معاك بتيمة العزله والانفراديه الي اخره .....لكن في نصوص ليك اعلي فعلا وكنت اتمني ابدا تعليق عندك بحاجه منهم بس اعمل ايه بقي
مش هتكلم عن نصوص قبل كده والا هبقي بظلم النص بس هنا فعلا احنا معاك ف حالتك من بداية النصوخصوصا بالنسبه لي ف نهاية المقطع الاول
قفلا تك للمقاطع كانت ف منتهي الروعه وخصوصا ايها المستضئ بذاته بس انت سبقتني بقي ليه يعم الكائن انا قريب جد منزل بوست وهتكون لعبه قريبه من لعبتك
بس انا عايز اسال اذا كان لفظ العثرة صح ....لان انا شايف ان الحجر مذكر
مش هتسمع كلام ارسطو وتنزل ياعمنا بقي لاحسن الدنيا خربت
بلوج العرب :
شكرا بس أنت واحد ولا كتير
غادة :
شكرا على التوضيح و شكرا على البسبوسة
ميمو:
شكرا و لو أن الفرانكوعربى ده تعبنى على مافهمته
ازرافة الحسودة:
خمسة وخميسة
خ
م
س
ة
و
خ
م
ي
س
ة
شكرا على الحسد الجميل
توهة:
شكرا و كل واحد حسب الفولت بتاعه
سيزيف:
يا راجل أخيرا شرفتنى يا سيدى علق علىاللى تحبه المهم أننا سمعناصوتك
وأنامستنى النص بتاعك اللى بتقول عليه أن شاء الله هنزل على أخر الأسبوع اللى جاى أو .........عموما هبقى أتصل بك و به
إرسال تعليق
الاشتراك في تعليقات الرسالة [Atom]
<< الصفحة الرئيسية