الجمعة، ٣٠ مارس ٢٠٠٧

خمس أشياء 5

الحكاية الخامسة : انتصار صغير .....أخير
لو سئلت يوما سؤال سخيف مثل كيف تتخيل نفسك فى المستقبل أو كيف لحياتك أن تكون سأجب على الفور كحياة هومر سيمبسون بطل المسلسل الكرتونى الشهير أحد أجمل الشخصيات الخيالية التى أعشقها كثيرا ( كبات مان و بطوط و أخرين ) يحمل هومر سيمبسون صورة مضادة لمعظم الأبطال الخيالين (فكرت كثيرا فى أن أكتب عنه مقال بعنوان البطل الأمريكى الضد و هو مشروع للكتابة أستمر فى تعليقه على الآتى كمشاريع سخيفة أخرى كثيرة ) فهو من الناحية الشكلية لا يحمل مواصفات البطل كما نعرفه ، فله قوام متهدل و رأس بلا شعرتقريبا ،يعشق الكسل و الراحة غير مسئول تماما بالرغم من وظيفته كمراقب أمان فى مفاعل نووى بمدينته الغريبة سبرينج فيلد و يقضى معظم أوقاته فى حانة المدينة مع أصدقائه الذين هم على شاكلته بالطبع كما يتميز بقدر كبيرمن الشره للأكل و غباء من النوع الظريف ،
ربما هنا يتسأل البعض عن سر هواى بمثل هذه الشخصية بكل ما لها من نقائص لكن ( ومن يشاهد هذا المسلسل بالتأكيد سيفهم ) كون هذه الشخصية كارتونية يعطيها نوع من التحرر من التقاليد البطولية المعروفة ، كما أنى لست وحيدا فى حب هذا الخاسر فالمسلسل يعرض بنجاح من سنوات طويلة قد تصل لأكثرمن عشرين سنة فى جميع أنحاء العالم ( عرض فى مصر بدوبلاج سئ للأصوات فى رمضان قبل الماضى على ما أذكر وقام بأداء صوت هومر محمد هنيدى ) ما أريد تسجيله هنا ليس هرب من الواقع بل احساس بخلل ما فى هذا الواقع فأحاول تخيل نفسى كهومر و أفكر كيف كان يمكن أن يتصرف فى هذا الموقف أو ذاك ، هكذا حتى ينتهى بى الأمر بالنظر إلى الحياة كمسلسل كارتونى ردئ ، لا يمكن لمن هو فى بساطة هومر أن يمثل به

13 تعليقات:

في ٣٠ مارس ٢٠٠٧ في ٩:٤١ ص , Blogger بياترتس يقول...

عجبنى طريقة عرضك للتاج بالشكل الجديد ده
وجميل جدا فهمك لشخصيتك وتحويرها لتصبح سيد الأشياء البسيطه ده غير الصمت طبعا
ونتمى فى يوم نشوفك سيد الكتابات البسيطه كطريقتك فى عرض الأمور اللى عادة بنغلب فى التعايش معاها
ومبروك على التاج

 
في ٣٠ مارس ٢٠٠٧ في ١:٠٠ م , Blogger عوليس يقول...

بانتهاء اللعبة على طريقتك الطويلة والجديده ممكن نتكلم
ببراعة حولت التاج لمنطقة كتابة ادبية
يمكن عشان كده خرجت بره جو التاج الأصلى وفكرة علرض الخبايا الخاصه بيك لتقوم بعرض خبايا تتماس مع القارىء -الخروج من حالة الخاص للعام-طبعا فى رايى الشخصى هذا افضل لانه ادانا نص ادبى
عجبنى الخبيئتين الأولى والثانية كانوا افضل مما اتى بعدهم وفيهم صدق تام
الثالثه شعرت بخيط تصنع فيها
على العموم احتاج لقراءهمجمعه اخرى ليهم قبل ما نتناقش تانى
ولازلت عند رايى التدوين اعطاك مساحات اخرى جديده

 
في ٣٠ مارس ٢٠٠٧ في ٢:٣٤ م , Blogger عين ضيقة يقول...

مش ممكن

دا بجد؟

أنا مش هقدر أصدق انك تكون كده

وغريب جدا ان الشخصية دى هى اللى تشدك

مش عارفة

 
في ٣٠ مارس ٢٠٠٧ في ٢:٤٠ م , Blogger الوردة السوداء يقول...

اخيرا خلصت التاج

اتنفس الصعداء


انت فعلا بتشبه هومر
فى الكسل

المهم
لو كانت الحياه مسلسل كرتونى ردىء زى مانت شايف
ده لأن الابطال يتمتعوا بقدر لابأس له من الرداءة

امثال هومر اعتقد هما اقدر ناس على العيش فى المسلسل
مش عشان هو ردىء
عشان هو اقدر حد اقلمة نفسه
او على الاقل اقدر حد فى الاستغناء عن الاخرين

ده على حد وصفك لشخصيته

 
في ٣١ مارس ٢٠٠٧ في ٢:٣٤ ص , Anonymous غير معرف يقول...

مساااااااء الخيييير يا عم هومر
أعتقد اني احد ابطال مسلسلك الرائع
ولكن تنقصنا الحانه يا صديقي العزيز
ممكن نعملها وننزل مصر ونكمل حلقات المسلسل قبل مالدنيا تاخدنا من بعض
عموما
انها حقا امور ينبغي ان تتم
ربما كان يجب

 
في ٣١ مارس ٢٠٠٧ في ٢:٣٦ ص , Anonymous غير معرف يقول...

على فكره الفيلم الكرتوني ده مش ردىء بس انتي اللي ماقدرتيش تقنعي المخرج انو يديلك دور فيه
حاولي تاني
يمكن ينزل جزء تاني

 
في ٣١ مارس ٢٠٠٧ في ٢:٤٨ ص , Anonymous غير معرف يقول...

هههههههههههههههههههههههههههه
افتكرت عادل امام
هههههههههههههههههههه
ههههههههههههه
ههههه

 
في ٣١ مارس ٢٠٠٧ في ٣:٠٥ م , Anonymous غير معرف يقول...

لا زلت لا استطيع التوقف عن الانبهار بك..

دائما.. ما تستجدي الصور و الافكار.. الغريب و الشيقة.. و الحزينة..

لتغزلها سوية في مقالات و كتابات.. تلمس شفاف النفوس..

ارى في قلمك متنفسا عما بداخلي..

يروقني الاقتراب منك أكثر فأكثر..

دمت عصي الدمع صابرا..

لطفي..

 
في ٣١ مارس ٢٠٠٧ في ١٠:٢٩ م , Blogger 21arestoo يقول...

هوه طبعا لازم اقول برافو
على اللعبة الاكثر ذكاء إن جاز التعبير
في التعامل مع التاج الممتع دا

 
في ١ أبريل ٢٠٠٧ في ١٢:١٤ ص , Blogger هوميروس يقول...

هومر اول ما قريتها افتكرتها اول اسمي
عموما كلنا شخصيات كرتونيه متوظفه في غير اماكنها
بس انت وعدت بفضايح خمسة وانا ما شفتش فير فضيحه واحده هي الاولي عموما جود بلاير

 
في ١ أبريل ٢٠٠٧ في ٢:٥٢ ص , Blogger كائن العزلة الكئيب يقول...

بياتريس

فعلا مناسبة جميلة أنى خلصت من التاج ده بالفعل حاسس أنى ورطت نفسى فى متاهات الغير معروف
سيد الكتابات البسيطة ؟
من بوقك لباب السما
أبسطها يا باسط

عوليس
العزيز عوليس
بالفعل حسيت بتخبط بين كونى بكتب لآخر محدد و الكتابة المفتوحة بالمطلق على القراءة ده انا حتى بفكر أجعل الحكاية الثالثة مقطع من قصيدة بكتبها
شكرا على تحليلك الرائع
عين ضيقة
تخيلى ؟؟؟
ماهى دى فايدة التاج
الوردة السودة
انا بشبه هومر فى حاجات كتير بالفعل
حتى لو كان ده غريب
مش بس الكسل
الخوف من المسئولية
و عدم فهم الأشياء المعقدة 0 بس مش غباء يعنى 0بس بيتأهلى هومر مش مستغنى عن الناس هو بس بيتصرف كما يحب و ده شئ أنا بفتقده
شكرا
أول تلات مجاهيل
أنتو واحد و لا أكتر
ممكن أعرف الأول
المجهول الرابع
صديقى الجميل
شكرا على اطرائك و كويس أن البوست عجبك و حسيت بتماس معاه بس الصبر على مين على هومر ؟1
اريسطو
ربنا يخلى اللى بعتهولى
هوميروس
لازم فضايح يعنى
أنا موعدتش الفضايح أنا قولت هشوف حل وسط ما الفضيحة و اللى محدش يعرفه يعنى تنفيسه كده عن كام حاجة نفس أقولهم لأى حد
nice game

 
في ١ أبريل ٢٠٠٧ في ٦:٠٨ ص , Anonymous غير معرف يقول...

أزال أحد مشرفي المدونة هذا التعليق.

 
في ١١ مايو ٢٠٠٧ في ٣:٢٦ م , Anonymous غير معرف يقول...

جميل جدا
بعد التفكير أحب أن أكون هومر أيضا
أحيانا أشعر برغبة في الاستسلام و النوم لمدة أسبوع كامل

شكرا

 

إرسال تعليق

الاشتراك في تعليقات الرسالة [Atom]

<< الصفحة الرئيسية